Мусобиқаи бузургтарини сол қаҳрамонии ҷудои ҷаҳон аст, ки рӯзҳои 13 - 20-уми июн дар пойтахти Маҷористон (Венгрия) – шаҳри Будапешт – баргузор мешавад.
Дар Тоҷикистон имсол мусобиқаи силсилаи ҷаҳонии ҷудо Dushanbe Grand Slam 2025 доир мегардад. Тибқи нақшаи Федератсияи байнулмилалии ҷудо (IJF) ин мусобиқа, ки бори дуюм сурат мегирад, рӯзҳои 2 - 4-уми май дар шаҳри Душанбе баргузор мешавад.
Тақвими мусобиқоти IJF World Tour миёни бузургсолон дар соли 2025 бо иштироки варзишгарони тоҷик:
1 - 2 феврал: Paris Grand Slam 2025, Порис (Фаронса)
14 - 16 феврал: Baku Grand Slam 2025, Боку (Озарбойҷон)
28 феврал - 2 март: Tashkent Grand Slam 2025, Тошканд (Узбекистон)
21-23 март: Tbilisi Grand Slam 2025, Тбилиси (Гурҷистон)
TVD: Antalya Grand Slam 2025, Анталия (Туркия)
24 – 28 апрел: қаҳрамонии Осиё (инфиродӣ ва даставии омехта), Тайланд (Бангкок)
2 - 4 май: Dushanbe Grand Slam 2025, Душанбе (Тоҷикистон)
9 - 11 май: Astana Grand Slam 2025, Остона (Қазоқистон)
11 - 13 июн: Сhina Asian Open 2025, Чин, ТВD
13 - 20 июн: қаҳрамонии ҷаҳон (инфиродӣ ва даставии омехта), Будапешт (Венгрия)
12 - 13 июл: Taipei Asian Open 2025, Тайпей (Тайпейи Чин)
25 - 27 июл: Ulaanbaatar Grand Slam 2025, Уланбатор (Муғулистон)
17 - 19 октябр: Abu Dhabi Grand Slam 2025, Абузабӣ (Имороти Муттаҳидаи Арабӣ)
25 - 26 октябр: Hong Kong Asian Open 2025, Ҳонконг (Чин)
14 - 16 ноябр: Zagreb Grand Prix 2025, Загреб (Хорватия)
6 – 7 декабр: Tokyo Grand Slam 2025, Токио (Ҷопон)
Дар соли 2024 дастоварди беҳтарини варзиши тоҷик дар риштаи ҷудо ду медали биринҷии паҳлавони маъруф Сомон Маҳмадбеков ба шумор меравад. Ӯ дар қаҳрамонии ҷаҳон дар Абузабии Имороти Муттаҳидаи Арабӣ ва Бозиҳои XXXIII тобистонаи олимпӣ дар Пориси Фаронса дар рақобатҳо дар вазни то 81 кило медалҳои биринҷӣ ба даст овардааст.