Мақомоти Эрон гуфтанд, ки Муҳаммад Обиддинӣ рӯзи 12-уми январ баъди раҳоӣ аз Итолиё ба Ҷумҳурии Исломӣ баргаштааст.
Раҳоии ин тоҷири эронию швейтсарӣ пас аз чор рӯзи озодии Чечилиа Соло, хабарнигори 29-солаи итолиёӣ аз Теҳрон сурат гирифт.
Обиддинии 38-сола дар моҳи декабри соли 2024 бо дархости Амрико дар шаҳри Милани Итолиё дастгир шуд.
Вашингтон ӯро ба даст доштан дар ҳамла ба пойгоҳи амрикоӣ дар Урдун муттаҳам медонад. Дар ин ҳодиса се сарбоз кушта шудааст.
Муҳаммад Обиддинӣ, инчунин, ба нақзи таҳримҳои Иёлоти Муттаҳида ва фиристодани фанновариҳои пешрафта ба артиши Эрон гумонзад аст.
Қаблан Амрико истирдоди ӯро дархост карда буд.
Вазорати корҳои хориҷии Эрон боздошти Обиддиниро дар Итолиё “суитафоҳум” номид.